El TCXA obliga al Conceyu d'Uviéu a invertir 900.000 euros en meyores del serviciu de bomberos  

Fondos pagaos en 2022 pola Unión Española d'Entidaes Aseguradores

El Tribunal Cimeru de Xusticia d'Asturies obliga al Conceyu d'Uviéu a invertir cuasi 900.000 euros en meyores al Serviciu d'Estinción de Quemes y Salvamentu.

Son los fondos abonaos en 2022 pola Unión Española d'Entidaes Aseguradores que'l consistoriu nun destinó a meyores nel cuerpu, sinón a gastos corrientes.

Agora los bomberos de la ciudá van reclamar tamién los otros 900.000 euros que-yos corresponderíen de 2023 y 2024. Un dineru que, aseguren, va sirvir p'ameyorar la seguridá de la ciudá y anovar unos equipos que dicen tán obsoletos.